Partial Transcription of John Lydgate's "Fall of Princes"

[Header information suppressed] Back to top


12/1/1  
12/1/2  
12/1/3  
12/1/4  
12/1/5  
12/1/6  
12/1/7  
12/1/8  
12/1/9  
12/1/10  
12/1/11  
12/1/12  
12/1/13  
12/1/14  
12/1/15  
12/1/16  
12/1/17  
12/1/18   De caʃu Cıʒarıs dutıs Regıs Iabın
12/1/19  Among oþ̄ ʃtorıes woful for to rede
12/1/20  Al be ʃprent wıth terys ın hıs face
12/1/21  Ful ʃodenlıe Iohn Bochas can tak hede
12/1/22  Amyddys of þe prete Ʒıʒara cam to place
12/1/23  And haugħ þt fortune can eke to manʃʃe
12/1/24  Thıs proude duke ful myghty & notable
12/1/25  Of kyng Iabın callıd þe conʃtable
12/1/26  Of hıs oʃte leder and governere
12/1/27  To Israel verrey mortall foo
12/1/28  Wıth peple he roode lyke a Conqueroure
12/1/29  And wher þt hıs meny dıd go
12/1/30  The erth quoke þe peple drıe hym ʃo
12/1/31  Fledde frome hıs face wher he cam a ferre
12/1/32  ıx. hundırd waynes he hadde for þe werre
12/1/33  Stronglie enarmyd for þe werres
12/1/34  who þt approchıd to mayme hym & to wound
12/1/35  For þıs Tıranne of cuʃtom oft ʃıthıs
12/1/36  hadde grete delıte þe Iowys to confound
12/1/37  þe þt hıs ʃword hath founde
12/1/38  Kyng Iabın badde þe prınce of Chanaan
12/1/39  In Iʃrael ʃpare chylde nor man
12/1/40  Thıs Cıʒara was ʃent for to be þeır ʃcourge
12/1/41  By goddys ʃufferaunce þeır ʃynneʒ to chaʃtyʃe
12/1/42  Theır olde offenceʒ to punıʃh and to pourge
12/1/43  As a flagel ın many ʃoundrıd Wyʃe
12/1/44  But whan̄ of reʃon̄ þeı gan̄ þē bette advıʃe
12/1/45  And for þeır treʃpaʃeʒ to fall ın repentaunce
12/1/46   Godde gan Wıthdrawe þe hand of hıs vengean̄ce
12/1/47  For þeır mıʃchef þe gan̄ þeır lorde to knowe
12/1/48  Felyng þe prykke of hıs punıcıon̄
12/1/49  And mrcy then hath onbent þe bowe
12/1/50  Of hıs fall Ire and caʃtıgacıon̄
12/1/51  To godde þeı made þeır ınnocacıon̄
12/1/52  And he then herd ın þeır mortal drede
12/1/53  In Iudıcū þe ʃtorıe ye may rede
12/1/54  hough ın þe whıle þt þıs Cıʒara
12/1/55  Shape hym of newe þe Iewys to oppreʃʃe
12/1/56  In þeır defens godde ʃent þē oon̄ Delbora
12/1/57  A p̰phetıʃʃe þe ʃtory berıth wytnes
12/1/58  To yeve them counʃaıl þeır harmys to redreʃʃe
12/1/59  And by þe ʃpırıt of hır p̰phecıe
12/1/60  For to wıthʃtand þe grete tırannıe
12/1/61  Of Cıʒara whıch was deʃendıd Doune
12/1/62  Wıth agret oʃte ın to þe felde repeyrıd
12/1/63  But delbora of hıgħ dıʃcrecıon
12/1/64  And for to figħt þeır corages ʃore apeyrıd
12/1/65   When þt ʃhe ʃawe þe Iewys dıʃperıd
12/1/66  She made þem fyrʃte denoutlıe ın þr drede

12/2/1  To crye to godde to helpe them in þeır nede
12/2/2  And when ʃhe herde & knewe of þe cōmyng
12/2/3  Of Cıʃara full grete puıʃaunce
12/2/4  That was cunʃtable vnto þe mygħty kyng.
12/2/5  Callıd Iabın wıth al hıs ordınaunce
12/2/6  Vpon Iewys for to take vengeaunce
12/2/7  Þıs delbora can prudentlıe ıntende
12/2/8  þe Iewys p̱tıe by wyʃdom to defende.
12/2/9  She badde barath hır huʃbond anon rıgħt
12/2/10  Of Neptalım x. m ob wıth hym take
12/2/11  Agayn̄ cıʃara to fıgħt for þeır rıgħt
12/2/12  And þt he ʃhuld agrete ınarmıe make
12/2/13  But for drede þıs ıourney hath forʃak
12/2/14  And durʃt not agayn̄ hym to werry
12/2/15  But ʃhe were prʃent & lıʃte hym to conveıe
12/2/16  Well well qd ʃhe ʃıth ıt ʃtondeth ʃo
12/2/17  Then̄ of wantruʃt ye haue amanr dred
12/2/18  I wyl my ʃelfe wıth yow go
12/2/19  yow to ʃupporte ın thıs grete nede
12/2/20  But truʃtıth fully as ye ʃhall fynde me
12/2/21  þt awoman wıth laude honor & glorıe
12/2/22  Shal fro yow wynne þe prys of thıs vıctorıe
12/2/23  It folowyd aftr ʃothlıe as ʃhe ʃayde
12/2/24  And wyʃelıe ʃhe made hır ordınaunce
12/2/25  And þe chefe charge hır ʃelfe ʃhe layde
12/2/26  As prnceʃʃe of Iewys goūnaunce
12/2/27  And prudentlıe gan hır ʃelfe avaunce
12/2/28  With godde conveıed & ʃupporte of hıs g̃ce
12/2/29  Wıth Cıʒara to mete ın hıs the face
12/2/30  And ʃpecıallıe touchyng þıs vıage
12/2/31  Godde toke away þe ʃpırıt and mygħt
12/2/32  Fro Cıʒara hıs force and hıs corage
12/2/33  That he was fereful to entre ın to fıgħt
12/2/34  Kepte hıs chare and toke hym̄ on to flıħt
12/2/35  Knowyng no place ʃurelıe ın to byde
12/2/36  Tyll þt Iahell awoman dıd hym hyde
12/2/37  Wıthın hır tente almoʃte dede for drede
12/2/38  Vndır amantel Deʃırous for to drynk
12/2/39  She gaue hym mylk þe ʃlepe fell ın hıs hede
12/2/40  And whıle þt he for hevynes gan wynk
12/2/41  And ʃadlıe ʃlepte ʃhe gan hır bethynk
12/2/42  Thof ʃhe wold for cıʒara ʃo ʃhape
12/2/43  þt wıth hıs lyfe he ʃhuld not aʃcape.
12/2/44  She toke anayle þt was ʃharpe & longe
12/2/45  And couertlıe gan hır ʃelf avaunce
12/2/46  Wıth an hambır mygħty rounde and ʃtronge
12/2/47  She draue anayle. lo þıs was hıs vengeaunce
12/2/48  Thurgh onte hıs hede. ʃe here þe ʃodon̄ chan̄ce
12/2/49  Of tıranneʒ þt truʃte ın fortune
12/2/50  Whıch wyl not longe to ʃuffre contınue
12/2/51  In þeır fals vʃurpyng tırannıe
12/2/52  To holde peples ın longe ʃubıeccıon̄
12/2/53  She can them blandıʃħ wıth hır flatrıe
12/2/54  Vndır coloure of fals colluʃıon̄
12/2/55  And wıth a ʃodon tranʃmutacıon̄
12/2/56  Fortune them can þt pore folke trouble
12/2/57  Reūʃe þeır prıde wıth hır face double
12/2/58  What ʃhuld I lengar ın þıs matıer tarıe
12/2/59  Thurgh þt lordeʃhıp be myghty famus
12/2/60  let Cıʒara be youre exemplaıe
12/2/61  Conqueʃt vıctorıe þof þeı be vıctorıus
12/2/62  It not ındureth but ıt be vertuus
12/2/63  Vn to þe worlde yf vertu be behynde
12/2/64  men̄ not reıoyʃe to haue þeır name ın mynde
 
For fortune

12/3/1  For fortune thurgh hır frowardnes
12/3/2  hath kynge put onte of Regıones
12/3/3  And ʃhe hath alʃo thurgh hır doublones
12/3/4  Deʃtruyd lınages wıth there ʃucceʃʃıons
12/3/5  Made ʃhe not ʃome tyme hır tranʃlacıons
12/3/6  of the kyngdom callıd Argıvoıs
12/3/7  To be tranʃportıd to lacedemomys
12/3/8  The ʃame tyme when cıʒare the proude
12/3/9  Began̄ goddys peple to put vndır fote
12/3/10  Famus trompe blewe hır name vp loude
12/3/11  Wıth ʃugrıd ʃownys ʃemyng wondır ʃwete
12/3/12  But all hıs prıde was rent vp be þe rote
12/3/13  When̄ þt hıs glorıe. was outward moʃt ʃhewyng
12/3/14  But who may truʃte on̄ eny wodlıe þıng


Back to top