Matthew VII 24-27

Ælc þara þe þas min word gehierþ, and þa wyrcþ, biþ gelic þæm wisan were, se his hus ofer stan getimbrode. Þa com þær regen and micel flod, and þær bleowon windas, and ahruron on þæt hus, and hit na ne feoll: soþlice hit wæs ofer stan getimbrod.

And ælc þara þe gehierþ þas min word, and þa ne wyrcþ, se biþ gelic þæm dysigan menn, þe getimbrode his hus ofer sand-ceosol. Þa rinde hit, and þær comon flod, and bleowon windas, and ahruron on þæt hus, and þæt hus feoll; and his hryre wæs micel.